La Conseyería d’Educación y Cultura, al traviés de la Dirección Xeneral de Planificación Llingüística y Normalización, entama xuntu cola RTPA y en collaboración cola Academia de la Llingua Asturiana un cursu con dos niveles de llingua asturiana pa profesionales de les distintes cañes del sector audiovisual: redactores, productores, personal técnico, realizadores, editores, etcétera.
L’oxetivu ye capacitar a los usuarios por que puedan ellaborar, acordies con el so perfil, un programa informativu en llingua asturiana en radiu o televisión. El cursu va tener una duración de 60 hores (va empezar el 31 de marzu y va rematar el 26 de mayu) y va combinar clases presenciales y online.
Los conteníos del cursu, eminentemente prácticu, inclúin aspeutos gramaticales y materies rellacionaes cola sociollingüística, la lexislación y los medios de comunicación, amás de práctiques en programes informativos de radiu y televisión.
El programa y la fueya d’inscripción pueden descargase de la web del Serviciu de Planificación Llingüística y Normalización.
