La Conseyería d’Educación y Cultura del Principáu publicó güei la convocatoria d’aspirantes a interinidá pal cursu 2016-2017, dientro de la provisión de places de calter temporal. En total, nesta primer cita ufiértense 2.621 puestos pa profesoráu interín.
Del total de places, 1.402 son pa maestros y el restu pa los demás cuerpos docentes, principalmente profesores d’Enseñanza Secundaria y Formación Profesional.
La conseyería realizó un importante esfuerzu de planificación nesta primer convocatoria coles mires d’ufiertar, colos datos conocíos hasta güei, toles vacantes previstes pal próximu cursu escolar.
La publicación de la convocatoria abre’l procedimientu de pidimientu y posterior axudicación de puestos. Los aspirantes a interinidá disponen de plazu hasta’l próximu 25 d’agostu pa realizar los sos pidimientos y l’axudicación de places realizará’l día 29, de manera que los docentes puedan incorporase a los sos centros de destín el 1 de setiembre.
Primeramente al procedimientu de pidimientu que güei s’empecipia, ellaboráronse les llistes provisionales d’interinos derivaes de les últimes oposiciones del cuerpu de profesores d’Enseñanza Secundaria y técnicos de Formación Profesional, y establecióse un plazu de diez díes pa la presentación d’allegamientos y la corrección de posibles erros.
