La vocera de FORO Carreño, Susana Corredor, solicitó esta mañana que “l’Equipu de Gobiernu de Carreño tien de dar una solución yá a la inaceptable situación que se vive nel barriu de Santarúa”. “En plenu sieglu XXI los vecinos del barriu de Santarúa tienen que ver como lliteralmente, la porquería llexa alredor de les sos cases mientres, l’alcalde, Ángel Riego, permanez impasible ante la evidencia y les numberoses reclamaciones efectuaes polos vecinos”.
Corredor aportuna na propuesta presentada por FORU pa destinar los 125.000 euros que l’equipu de gobiernu y los sos socios quieren utilizar nunos güertos, por qu’aumenten la partida de saneamientu y de esa forma poder acometer obres urxentes y necesaries pa Carreño”.
“Ye hora de que los socialistes dexen de pensar nos sos propios intereses y d’una vegada por toes apuesten pol interés xeneral”, añede la vocera, que cree qu’agora tienen “la oportunidá de demostrar si son capaces d’exercer la responsabilidá de los cargos qu’ocupen defendiendo los intereses de los ciudadanos llevando a cabu unes obres que más qu’una necesidá, que lo ye, son un derechu”.
La vocera confía en que “reine la cordura y la sensatez y acométanse lo más aína”. “De nun ser asina Foru va siguir apostando pola propuesta presentada nel cambéu presupuestariu según nos allegamientos que formulamos a la mesma”, anuncia.
“Nun vamos consentir que la dexadez siga reinando en Carreño a cuenta de los vecinos, mientres los socialistes y los sos eternos socios siguen agarraos a un sillón que cada vez ven apeligrar más frutu de la so incapacidá pa gobernar”, concluyó.
