El Conceyu Por Otra Función Pública afirma que «dos informes recién, unu sobre la fiscalización de la empresa pública Xestión d’Infraestructures de Telecomunicaciones del Principáu d’Asturies SA (ver equí, pagina 11) y l’otru sobre la fiscalización de la empresa pública Sociedá de Servicios del Principáu d’Asturies SA (ver equí, pag. 10), ponen de manifiestu qu’estes entidaes contratatan al so personal al marxe de los principios constitucionales d’accesu al empléu públicu d’igualdá, méritu y capacidá».
El Conceyu por Otra Función Pública nAsturies considera, nuna nota de prensa, que se trata tan solo de dos amueses del clientelismo llaboral que rixe, de forma xeneralizada , l’accesu a los puestos de trabayu del sector públicu del Principáu d’Asturies. Tamos seguros que l’exame individualizáu, una a una, de la llarga llista d’entes, fundaciones y empreses públiques de la Comunidá Autónoma, demostraría qu’incurren nos mesmos vicios ya illegalidaes».
Lo sorprendente de la situación, señala’l Conceyu, «ye que paez qu’estes manifestaciones de corrupción supuestamente «blanca» queden nel llimbu de la indiferencia penal, porque equí nenguna autoridá dar por aludida, nin pa echar la recuarta a esti caciquismu reinal, nin pa esixir responsabilidaes por ello».
«Les illegalidaes esisten y asina lo constata la Sindicatura de Cuentes pero, de la mesma, tol mundu paez mirar pa otru llau, quiciabes porque nesta tema del enchufismo llaboral casi naide tien les manos llimpies», recalcal la nota.
