L’Executivu alcordó la firma d’un conveniu cola Fundación “la Caixa” pa desenvolver actuaciones de caltenimientu de la biodiversidá. Per parte del Gobiernu, l’alcuerdu va ser robláu pola conseyería de Agroganadería y Recursos Autóctonos. El conveniu va tar vixente un añu y la Fundación “la Caixa” va apurrir un máximu de 250.000 euros a programes mediu ambientales y sociales dirixíos al caltenimientu y meyora n’espacios naturales xestionaos pola conseyería.
La Obra Social de “la Caixa”, qu’escuerre la meyora de la calidá de vida de los ciudadanos por aciu el desenvolvimientu social, cultural y ambiental, desenvuelve un gran númberu de programes mediu ambientales y sociales dirixíos al caltenimientu y meyora de la redolada natural, según a la promoción de la integración social de persones desfavorecidas. Estos programes son desenvueltos y executaos por aciu la collaboración con entidaes públiques o privaes.
La conseyería va asumir, de forma directa o indirecta, la xestión y execución de les actuaciones alcordaes nel conveniu. Tamién se va encargar del cumplimientu de tolos trámites necesarios, como les autorizaciones ya informes preceptivos, los procedimientos derivaos de la lexislación ambiental y del patrimoniu cultural, el llogru de la plena disponibilidad de los terrenes, lo mesmo que de la disposición de los medios técnicos y humanos necesarios.
