Carlos Albaresultó ganador de la primer edición del Premiu“Nel Amaro”de Teatru Profesional en llingua asturiana y gallego-asturianu, que concede la Conseyería d’Educación y Cultura.
El xuráu encargáu de valorar les obres presentaes reunióse na tarde de güei baxo la presidencia del director xeneral de Planificación Llingüística y Normalización, Fernando Padilla Palicio, y tuvo formáu por Eva Vallines Menéndez, actriz y crítica teatral; Esther Castro Manzano, responsable del Serviciu de Normalización Llingüística de Siero; Cristina Muñiz Martín, escritora; José Ramón Iglesias Cueva, secretariu de l’Academia de la Llingua Asturiana, y Roberto Corte Martínez, director y críticu teatral.
Ente les obres presentaes, el xuráu decidió por mayoría conceder el premiu al espectáculuLlázaro de Tormes, de Carlos Álba, al reconocer nél “adaptación rellumante d’un clásicu a la cultura asturiana, con un gran procuru llingüísticu tanto nel testu como na representación del espectáculu, entroncando con un xéneru tradicional asturianu como ye’l monólogu, dignificándolu”, según destaca l’acta.
Estrenada nel Teatru Xovellanos de Xixón el 18 d’ochobre del 2012, Llázaro de Tormes ye una adaptación al asturianu de la novela La vida de Lazarillo de Tormes y de sus fortunas y adversidades que busca caltener el fondu popular y folclóricu del orixinal. La comicidá y la complicidá col públicu tán presentes nel montaxe, que cunta cola dirección escénica de Felipe Santiago, ensin desdexar la calidá lliteraria del testu, pa lo que Carlos Alba cuntó cola revisión llingüística del escritor Milio Rodríguez Cueto.
Carlos Alba, conocíu comoCellero pol nome d’ún de los sos personaxes, tien una trayectoriaamplia nel campu de los cuentacuentos y el monologuismu. Los sos espectáculos diríxense a un público diverso, anque predomina lo infantil y loxuvenil. Participó como guionista y actor en dellos programes de la TPA, onde pon en práctica’l monologuismu humorísticu asturianu, una disciplina a mediu camín ente la narración y el teatru popular onde’l so personaxe Cellero cunta histories con humor.
Al Premiu “Nel Amaro”, gallardonáu con una pieza artística y la promoción de la obra, podíen presentaseempreses del sector profesional dedicaes a la producción y representación d’espectáculos teatrales (yá se trate de persones físiques o xurídiques), teniendo acoyida tanto los espectáculos orixinales como les obres dramátiques yá existentes y les versiones o adaptaciones d’espectáculos representaos orixinalmente n’otra llingua.
