El Conseyu de Gobiernu dio lluz verde a l’axudicación de tres viviendes públiques d’arriendu nel conceyu de Candamo. Los inmuebles, allugaos nes localidaes de San Román y Grullos, cunten con una superficie útil d’ente 62 y 73 metros cuadraos, disponen de dos o tres dormitorio ya inclúin trasteru.
El Gobiernu d’Asturies invirtió 8.967 euros nel arreglu d’estes viviendes pa poneles a disposición de los ciudadanos.
El sortéu pa l’axudicación de los pisos realizóse, ente los siete solicitúes recibíes, el pasáu 23 de setiembre nel Conceyu de Candamo. Una vegada axudicaos, el preciu del arriendu va afacer a les circunstancies socioeconómicas de les families.
El Principáu apurrió anguaño otres dos viviendes d’arriendu en Candamo, en destinando al so arreglu 4.243 euros. En total, el parque autonómicu de vivienda pública p’arriendu nel conceyu inclúi 30 inmuebles.
