Asturies participa mientres esta fin de selmana en la feria B-Travel, que se celebra en Barcelona, coles mires de reforzar la so presencia nel mercáu catalán, el séptimu pal sector turísticu de la rexón, según datos del Institutu Nacional d’Estadística.
El Principáu garrasti al certame con un estand propiu nel que s’esiben los recursos turísticos rexonales y onde participen tamién los conceyos del monte central y los conceyos d’Ayer, Catropol (en representación de la contorna Oscos-Eo), Cangues d’Onís, Piloña y Xixón (en representación de los trés principales ciudaes asturianes).
La presente edición de B-Travel plantégase como un ámbitu de promoción y comercialización d’esperiencies en cinco ámbito temáticos: aventura, gastronomía, escapaes, recursos d’alta gama y cultura.
La feria recueye’l testigu del Salón Internacional de Turismu de Cataluña (SITC), que se desenvolvió ininterrumpidamente mientres 23 años y foi el principal foru comercial pal sector turísticu nesta comunidá.
Cataluña cunta anguaño con tres conexión aérees diaries con Asturies. En 2015, 101.268 catalanes escoyeron el Principáu como destín turísticu, un 3,8% más qu’en 2014.
