El turismu rural algama’l 79% d’ocupación en Selmana Santa nel Principáu d’Asturies, un puntu más que la media nacional y qu’asitia a la comunidá ente les que rexistren mayor tasa d’ocupación con una medría del 9%, según los datos proporcionaos pol buscador d’agospiamientos rurales Toprural.
La Comunidá Foral de Navarra lidera’l ‘ranking’ d’ocupación pa estes vacaciones col 98% del total. Sígen-y en términos de ocupación Estremadura (92%), Aragón (90%), La Rioxa (82%), Castiella y Llión (81%). Otra manera, les comunidaes autónomes con menor tasa d’ocupación son Murcia col 61%, Madrid col 63% y Galicia col 67%.
En comparanza cola Selmana Santa del añu pasáu, les comunidaes que presenten un mayor aumentu n’ocupación son Andalucía que xube 22 puntos porcentuales hasta’l 70%, Castiella-La Mancha (80%) que crez diez punto porcentuales y Asturies (79%), Canaries (78%) y la Comunidad Valenciana (68%), toes elles con una medría de nueve punto porcentuales.
Por provincies, hai ocho provincies que tán percima del 90% d’ocupación y son Navarra y Ourense dambes col 98%, siguíu de Soria (97%), Llugo (96%), Álava (95%), Teruel (93%), Cáceres (92%) y Zaragoza (90%).
Esti estudiu realizóse por aciu l’analís de la ocupación de 175.000 places d’agospiamientu d’arriendu íntegru esistentes nel buscador d’establecimientos rurales.
Según el barómetru de precios de Toprural 2016, el preciu mediu de les cases rurales baxó, per séptimu añu consecutivu, un 1,2% respectu al añu pasáu, algamando los 25,5 euros per persona y nueche en temporada alta.
