El Conseyu de Gobiernu aprobó’l decretu que concreta los criterios pal exerciciu del derechu al allongamientu del serviciu activu más allá de la edá obligatoria de xubilación según el procedimientu pa la so tramitación, lo que va otorgar mayor seguridá xurídica a los emplegaos públicos. Asina, van ser teníos en cuenta aspecto tales como la ordenación de los recursos humanos, el cumplimientu del oxetivu d’estabilidá presupuestaria y la constatación de determinaes circunstancies personales venceyaes a los periodos de cotización o de servicios efectivos a l’Alministración Pública.
Esti decretu, aplicable al personal funcionario al serviciu de l’Alministración del Principáu, qu’inclúi al personal docente y que salva al personal estatutario y al de xusticia porque cunten cola so propia regulación, desenvuelve les previsiones llegales establecíes tantu nel Estatutu Básicu del Emplegáu Públicu como na Llei d’Ordenación de la Función Pública del Principáu d’Asturies, nel cambéu operáu pola Llei del Principáu d’Asturies 4/2012, de 28 d’avientu, de midíes urxentes en materia de personal, tributaria y presupuestaria, en materia de xubilación y d’allongamientu de la permanencia nel serviciu activu.
El conteníu del decretu foi axustáu primeramente coles organizaciones sindical y sometío al dictame del Conseyu Consultivu.
