El Conseyu de Gobiernu aprobó’l proyectu de llei pa la creación del Colexu Profesional de Terapeutas Ocupacionales. La iniciativa lexislativa respuende al pidimientu fechu dende l’Asociación Profesional de Terapeutas Ocupacionales d’Asturies. La creación del colexu va suponer qu’esti colectivu cunte con una organización que va ser la encargada de collaborar na ordenación del oficiu, la defensa de los asociaos y la protección de los intereses de los usuarios.
Van Poder formar parte del colexu aquellos que cunten col títulu universitariu de Terapeuta Ocupacional o’l correspondiente títulu de grau. Aquellos que tengan un títulu equivalente y que tea debidamente homologado tamién van poder integrase nel colexu.
Una vegada que s’apruebe la llei, l’Asociación de Terapeutas Ocupacionales va crear una comisión xestora que nun plazu de seis meses tendrá d’ellaborar y aprobar unos estatutos provisionales y convocar una asamblea constituyente. Darréu, va diseñase un proyectu d’estatutos definitivos que tendrá d’aprobase pola asamblea que la so función va ser tamién la d’escoyer a los órganos de gobiernu del colexu profesional.
