Ángel Álvarez, conceyal y coordinador d’IX de Degaña denunció esti vienres que’l pueblu «ta soportando un dispositivu inusual de Guardia Civil y Antidisturbios dende la mañana de güei ensin que se diera nenguna esplicación ante tal circunstancia».
Según Álvarez, «son siquier un centenar los Guardias Civiles que realicen controles en carreteres y caminos y caltienen a la población na incertidume y siendo rexistraos».
Según informaciones non oficiales, este esplegue policial taría motiváu porque l’empresariu Vitorino Alonso taría retirando maquinaria del Pozu Zarréu, cuestión que’l conceyal considera «escesiva si esti fora’l motivu, daes les molesties qu’esta causando a la xente que lleguen a preguntar si nun nos tán tratando como delincuentes».
