La Universidá d’Uviéu abrió’l plazu de matrícula del cursu preparatorio de la prueba d’accesu a la universidá pa mayores de 25 y 45 años, cursu 2016-2017.
Según informó la institución académica l’oxetivu ye facilitar a los participantes la superación de los exames correspondientes al exame d’ingresu. La matrícula va tar abierta hasta’l 11 de noviembre na Unidá d’Accesu del Vicerrectorado d’Estudiantes.
El cursu, que va empezar el 18 de noviembre, va desenvolvese los vienres pela tarde y sábados pela mañana. La matrícula nesti cursu nun implica la inscripción nes pruebes y los requisitos pa presentase a los exames siguen siendo nun tener titulación habilitante (PAU, Ciclu Formativu de Grau Cimeru, Titulación Universitaria o otres víes d’almisión) pal accesu a la universidá y cumplir la edá riquida a lo llargo del añu natural de celebración de la prueba, 2017.
Los comenenciudos pueden llograr más información na Unidá d’Accesu del Vicerrectorado d’Estudiantes allugada na cai González Besada 13, nel teléfonu 985 10 41 15, y nel corréu electrónicu selectividaduniovi.es
