El númberu de paraos rexistraos nes oficines de los servicios públicos d’empléu del Principáu d’Asturies aumentó en septiembre en 2.800 persones con respectu al mes anterior (+3,51%), colo que s’asitió en 82.464 paraos, según los datos fechos públicos esti miércoles pol Ministeriu d’Empléu y Seguridá Social. Con respectu al mes de setiembre de 2015, el desempléu cayó n’Asturies en 6.593 persones, lo que representa un descensu interañal del 7,40%.
Nel conxuntu del Estáu, el númberu de paraos xubió en septiembre en 22.801 persones respecto al mes anterior (+0,6%). Sicasí, el total de paraos siguió nos sos niveles más baxos de los últimos siete años al asitiase en 3.720.297 paraos.
