Ángel Suárez Llanu y Inaciu Galán son los ganaddores de la décima edición del Concursu de Microrrelatos n’asturianu ‘L’Horru de Carbayedo’. El primeru presentó ‘Billete d’día y vuelta’, col seudónimu Sirius, y el segundu ‘L’enemigu’, robláu por Tuxa.
El xuráu tuvo formáu por Miguel Solís, Rafael Rodríguez Valdés, Antón Caamaño, y Montserrat Machicado como secretaria. Los premios van ser de 500 euros pal primeru y 300 pal segundu.
Tolos relatos, premiaos y non premiaos, van presentar al públicu nuna esposición al campu nel parque El Carbayedo (Fiestes de San Roque, del 19 al 22 d’Agostu). L’actu d’entrega de los premios, xuntu cola llectura de los cuentos premiaos, va faese’l llunes, 22 («Llunes d’asturianía»), nel Salón de l’A. VV. L’Horru (C/Dr. Marañón, 16, baxu, Avilés), a les 18.00 hores, (xustu antes de representase la obra ‘Dempués de vieyos gaiteros’, que representa, nel mesmu llugar, el grupu de teatru asturianu Garapiellu).
