El Conceyu d’Uviéu yá abrió’l plazu pa la presentación de solicitúes a la convocatoria de subvenciones de la área social destinaes a entidaes ensin ánimu d’arriquecimientu con see social o delegación nel Conceyu d’Uviéu, pa la realización d’actividaes d’utilidá pública o interés social, según pa gastos de funcionamientu y/o equipamientu nes siguientes materies o llínees d’actuación: Servicios Sociales, Mocedá, Igualdá y Participación Ciudadana.
Les entidaes comenenciudes tienen de plazu hasta’l próximu 4 de xunetu pa presentar los sos solicitudesen el Rexistru Xeneral del Conceyu d’Uviéu.
En materia de Servicios Sociales van subvencionase programes pa la infancia y la familia, les persones con discapacidá o pa la promoción o sofitu d’otros colectivos en situación de desigualdá según para incitivas empuestes al fomentu del voluntariáu social.
Al respective de Mocedá, van subvencionase proyectos empobinaos a colectivos desfavorecidos, a facilitar l’insertamientu llaboral de los mozos, aquellos que se ponen en marcha na zona rural, a los programes d’ociu y tiempu llibre, fomentu del asociacionismo, etcétera.
No que fai a Igualdá, búscase facilitar la incorporación de les muyeres al mercáu llaboral, programes educativos, que tengan como oxetivu la conciliación, sensibilización, formación y voluntariáu ente otros.
A lo último, en materia de Participación, van valorase programes pa la tercer edá, acciones de calter intergeneracional, el fomentu del asociacionismo , l’ociu creativu o l’alfabetización dixital.
