La dirección de la planta d’Avilés de Alcoa reconoció esti martes al comité d’empresa que tán estudiando cambeos nes plantes españoles enmarcaos dientro d’un plan estratéxicu. La vienta ye una de les opciones qu’embaraxen, según la entrada d’inversores ya inclusive cambeos nos productos que se fabriquen na planta avilesina y los dos gallegues.
En declaraciones a Europa Press el presidente del comité d’empresa n’Avilés, José Manuel Gómez de la Uz, esplicó qu’ante les sos entrugues nun-yos negaron que’l zarru pudiera ser otra de les alternatives posibles. Y que pel momento s’atopen en fase preeliminar del procesu.
Tampoco esclarió enforma la dirección de la planta alrodiu de les visites que vinieron recibiendo nos últimos tiempos les instalaciones de San Balandrán y que el trabayadores consideren que podríen ser potenciales veceros. «Dícennos que son asesores pero que tampoco pueden dicir más porque hai un contratu de confidencialidad», aseguró Gómez de la Uz.
El presidente del comité d’empresa reconoció qu’ante la inminente división de Alcoa en dos grupos estremaos según los productos a ellaborar la empresa puede «tener problemes de lliquidez y busca toles alternatives posibles».
Gómez de la Uz indicó que el trabayadores amuésense seles y nun tienen previstu nengún tipu d’acción hasta conocer planes más definitivos. Pel momento lo que pide ye’l sofitu de los partíos políticos y escláriese la puya de la tarifa eléctrica.
