Investigadores de la Área d’Arqueoloxía de la Universidá d’Uviéu en collaboración cola Unidá de Cultura Científica y de la Innovación de la OTRI, llanzaron el proyectu ‘ArqueoLab’, una iniciativa cola que quier amosase al gran públicu’l trabayu desenvueltu polos arqueólogos, más allá del xacimientu arqueolóxicu y del mitu surdíu en redol a esta figura. Les rutes realizarán esti sábadu y el 21 de mayu n’horariu de 11.30 y 12.30 hores.
Según informa la institución académica, pa ello hanse programáu unes rutes temátiques qu’averen el patrimoniu arqueolóxicu d’Uviéu. Los materiales calteníos nel Muséu Arqueolóxicu y el patrimoniu esistente en distintes árees de la ciudá van entamar nuna serie de paseos arqueolóxicos nos que van ser los mesmos investigadores quien dean les directrices a los participantes pa la interpretación de los restos y xacimientos calteníos na ciudá.
El percorríu, de 50 minutos, va empezar na Fonte de Foncalada, pa siguir pola Muralla medieval de Callar Paraísu y el Testeru de Santiso. Va Escurrir dempués pol Colexu d’Abogaos-Palaciu d’Alfonso III y la cai de la Rúa.
L’actividá ye gratuita, pero precisa inscripción previa en otriuniovi.es o nel 985 10 27 62. Les almisiones van facer por rigorosu orde de solicitú d’inscripción y posterior aceptación dende la OTRI.
