Nel próximu taller entamáu dende la Conceyalía d’Educación y empobináu a families, va encetase’l problema del Ciberbullying. va desenvolvese esti martes, día 10 de mayu, a les 18 hores na Sala Escénica de la Factoría Cultural.
Según informó’l Conceyu avilesín, siguiendo la dinámica de talleres anteriores, nesti taller promoveráse la participación directa de families y menores que puedan oldear opiniones sobre una tema que los afecta directamente pero d’una manera distinta.
Los y les menores del grupu d’Arte y Salú del Conseyu d’Infancia y Adolescencia d’Avilés van plantegar claves, pautes y situaciones concretes qu’ellos detectaron al traviés del vídeu «Ante’l bullying non te quedes paráu», ellaboráu por ellos mesmos.
Con esti taller sigue la dinámica de les xornaes de formación pa AMPAS qu’empezaron el 12 d’abril col taller «Conocemos los Derechos de la Infancia» y siguieron con «El Bancu de Llibros» y el Taller de Primeros Auxilios.
