El Gobiernu va partir el nuevu marxe de déficit públicu, d’hasta ocho décimes –en alzándolo del 2,8% del PIB al 3,6% pa 2016–, a partes iguales ente les comunidaes autónomes y la Seguridá Social, según informó’l Ministeriu de la Presidencia.
Asina, les comunidaes autónomes nun van tener qu’amenorgar el so déficit en 2016 del 1,66 per cientu del PIB al 0,3 per cientu, como hasta agora, sinón hasta’l 0,7 per cientu, lo que fai qu’esti esfuerzu sía «muncho más algamadizu».
Les otres cuatro décimes restantes dirán parar a la Seguridá Social, que parte d’un déficit del 1,26 per cientu y que va tener qu’amenorgalo agora tamién al 0,4 per cientu del PIB. Pela so parte, les entidaes locales van caltener el so oxetivu inicial del cero per cientu del PIB.
El Gobiernu va informar de la nueva sienda d’afitamientu fiscal a la Comisión Nacional de l’Alministración Local el próximu 26 d’abril y al Conseyu de Política Fiscal y Financiera (CPFF) el xueves 28 d’abril.
