La Guardia Civil detuvo o investigó a un total de 2.274 persones a lo llargo de 2015 por delitos de maltratu animal o atentaos contra’l mediu ambiente y l’ordenación del territoriu, según el balance d’actuaciones del Seprona correspondiente al pasáu exerciciu.
Les pesquises realizaes pol Serviciu de Protección de la Naturaleza de la Guardia Civil, cola collaboración de los ciudadanos que denunciaron al traviés de los teléfonos d’atención y correos electrónicos del cuerpu, llevaron a la detección de 476 delitos de maltratu o abandonu d’animales domésticos, 176 delitos contra la ordenación del territoriu y a la detención de 18 persones (y l’investigación d’otres 98) por quemes forestales.
«Per debaxo d’estos atoparíen otros delitos relativos a la protección de la flora y la fauna, los delitos de caza, otros delitos contra los recursos naturales y el mediu ambiente y los delitos contra’l patrimoniu históricu», esplica la Guardia Civil.
Coles mesmes, detectáronse un total de 87 delitos contra la salú pública por conductes tales como l’arramáu de sustances nocives o productos químicos, la contaminación de productos alimenticios o la distracción d’agües públiques del so usu.
Tamién mientres el pasáu añu 2015 fueron denunciaes como faltes penales relatives al mediu ambiente un total de 498 delitos, ente los que destaquen los rellacionaes col descuidu d’animales feroces o dañibles (35%), los de maltratu o abandonu d’animales domésticos (18%) y los referíos a les alteraciones de términos y llindes, señales o moyones (6,9%).
Ente les operaciones llevaes a cabu figuren, por casu, la Operación Fresón’ contra’l comerciu ilícitu de pesticidas, desenvuelta en 7 provincies, cola resultancia de 13 deteníos, 29 investigaos y 4185 llitros de productos fitosanitarios interveníos; o la Operación Antitox’ contra l’usu illegal de cebos envelenaos, desenvuelta en 17 provincies ente febreru y mayu, con resultancia de 164 cebos detectaos y 175 animales muertos resaltando la incidencia n’especies como’l Bilanu Real, Utre Leonado y Águila Imperial, dambes protexíes.
Nel casu concretu de les quemes, la investigación de los 1.515 accidentes investigaos pol Seprona llevaron a concluyir qu’un total de 135 se produjeros por causa accidental, 107 por causa desdexosa y 102 quemes intencionales, lo que llevó a investigar a 98 persones y a detener a otres 18.
«Hai que faer mención especial a les quemes sufiertes nel mes d’avientu, principalmente na provincia d’Asturies, que favorecieron la Operación Cortafueos’ y qu’acabaron cola detención ya investigación de 9 persones», esplica’l cuerpu.
Amás, nos capítulos de sobre control de l’actividá pesquera y control especifícase que diches investigaciones conducieron a la prinda de 163.949 quilos de pexe de talla «non reglamentaria», y la recuperación de 64 mamíferos, 246 aves y 408 reptiles, ente otros.
