El virtuosu guitarrista estadounidense Joe Satriani va actuar na Sala Custom de la ciudá de Sevilla’l próximu 8 de xunetu pa presentar ‘Shockwave Supernova’, el so decimoquintu álbum d’estudiu y primero pa Legacy Recordings. Satriani va actuar tamién el 7 de xunetu en Xixón y en Bilbao el día 9 del mesmu mes. Esti martes van salir a la vienta les entraes en www.riffmusic.es
Con 15 temes totalmente nuevos, ‘Shockwave Supernova’ ye’l clásicu ‘Satch’ con xiros sonoros que van ser referencia pa les sos fans de toles edaes. Unu de los guitarristes de rock instrumental más influyentes y respetaos de los trés últimes décades, Joe Satriani, «músicu de los músicos» y quién foi contra corriente con música sublime y complexa» coles mesmes, llegando asina a variaos y distintos gustos, según informó la promotora.
En 2014, Satriani llanzó ‘Joe Satriani: The Complete Studio Recordings’, la más recién y digitalizada colección de too el so catálogu. Amás, ‘Strange Beautiful Music: A Musical Memoir’, autobiografía de Satriani, tamién foi llanzáu como anexu a la colección completa.
Mientres la so carrera, Joe Satriani llogró 15 nominaciones a la Meyor Actuación de Rock Instrumental nos premios Grammy, ente ‘Platinum’ (‘Surfing With The Alíen’, ‘Flying in a Blue Dream’) y ‘Gold’ (‘Surfing With The Alíen’, ‘Flying in a Blue Dream’, ‘The Extremist’, ‘Time Machine’) poles sos grabaciones en solitariu. Tamién llogró los premios ‘Gold’ y ‘Platinum’ pol so DVD ‘Live in San Francisco’ y 2 DVDs de G3, G3 Live y Live in Denver.
