Iniciativa pol Asturianu tien abiertu’l plazu hasta’l domingu 27 p’apuntase a los cursos d’asturianu en Xixón, Sotrondio y a distancia entamaos en collaboración cola Academia de la Llingua Asturiana.
Los cursos van empezar a partir del llunes 28 de marzu, cuntando con 36 hores lectives pa cada nivel. El cursu de Xixón va celebrar nel Conseyu de la Mocedá de Xixón los llunes y miércoles, de 19 a 21 hores y ye de nivel II, acabando nel mes de mayu.
El cursu de Sotrondio va celebrar na Casa la Mocedá de Sotrondio los martes y xueves, de 18.30 a 20.30 hores y ye de nivel II, acabando nel mes de mayu. El nivel inicial puede faese a distancia y ta empuestu a persones ensin conocencies d’asturianu o con nivel baxu de conocencia y nun tien horariu fixu. Puede faese a cualquier hora y al traviés de la plataforma dixital habilitada por Iniciativa pol Asturianu.
Toles persones que superen los cursos van recibir un diploma de l’Academia de la Llingua Asturiana, entidá reconocida pola Conseyería d’Educación pa la formación del profesoráu.
