La Conceyalía d’Economía y Empléu del Conceyu d’Uviéu ufierta a los comerciantes d’Uviéu una campaña de cartelería n’asturianu pa sofitar la campaña de rebaxes.
El material, dafechu gratuitu, realizóse en llingua asturiana como «parte del compromisu d’esti Conceyu y de esta Conceyalía escontra una de les llingües de la nuesa ciudá y d’Asturies», dixo’l conceyal de Economía Rubén Rosón (Somos).
L’equipu de gobiernu entiende qu’una de les claves de la normalización social del asturianu ye la implicación de toles árees de gobiernu nesta xera. Por ello, la conceyalía d’Economía, de la que depende la área de Comerciu, punxo en marcha esta iniciativa coincidiendo col tradicional periodu de rebaxes.
Nesta campaña de cartelería, que pretende enllargase a futures campañes de rebaxes, fixéronse 350 entregues, cada entrega constó de seis rollo de cartelos en dos diseños distintos. En total partiéronse 2.100 cartelos, quedando de remanente 150 rollos ó 900 cartelos más a disposición de comerciantes que lu demanden.
