El Comité Executivu del Conseyu de Mocedá de Xixón escoyó Eeste sábadu per unanimidá a Álvaro Granda Cañedo como’l so nuevu presidente en sustitución de Javier Suárez Llana.
El mozu xixonés, qu’apuerta a la presidencia de la entidá en representación de l’Asociación Xuvenil Arroba-Xixón, desenvolvía hasta agora les funciones de secretariu de la Comisión Permanente, cargu qu’agora va ocupar Ariadna Moneo Rodrigo, que foi escoyíu nueva secretaria de la entidá en representación de l’Asociación Xuvenil Estudiantes Progresistes.
Na Comisión Permanente, que va escosar el so mandatu, tal que taba establecíu, el próximu mes d’ochobre, siguen Ángela García Agüeria como vicepresidenta, en representación de la
Asociación Mujer Nuevos, y Verónica Fernández García, de ASDE-Esploradores del Principáu d’Asturies, como tesorera.
Álvaro Granda, nacíu en Xixón en 1989, ye Llicenciáu n’Hestoria y Máster n’Hestoria y Analís Sociocultural pola Universidá d’Uviéu. Participó nel movimientu estudiantil contra’l Plan
Bolonia, desenvolviendo funciones na Xunta de Facultá de Filosofía y Lletres (2009-2011).
En 2011 empezó a participar na Asociación Xuvenil Estudiantes Progresistes y en 2013 formó parte del grupu promotor de l’Asociación Xuvenil Arroba-Xixón.
El relevu producir tres l’arrenunciu de Javier Suárez Llana pola so incorporación como técnicu al Grupu Municipal d’Izquierda Xunida nel Conceyu de Xixón/Xixón.
