El númberu d’efectos de comerciu impagados baxó un 46,5 per cientu el pasáu mes de setiembre n’Asturies en relación a igual mes de 2014, según informó esti xueves l’Institutu Nacional d’Estadística (INE).
Otra manera, l’importe total de los efectos de comerciu devueltos impagados xubió un 26 per cientu nel novenu mes del añu, en comparanza col mes d’agostu, hasta los 4,17 millones d’euros.
El porcentaxe de los efectos de comerciu impagados sobre vencíos algamó’l 1,8 per cientu en septiembre de 2015.
Estos datos asitien a Asturies a la cabeza del descensu nos impagos, ente que Madrid rexistró la mayor medría, al doblar l’importe de los impagos al respective de setiembre de 2014 (101,7 per cientu).
