La Mesa de la Cámara de la Xunta Xeneral del Principáu d’Asturies (JGPA) almitió a trámite una proposición non de llei (PNL) de Podemos que solicita al Gobiernu rexonal qu’ellabore un estudiu sociollingüísticu qu’apurra les claves de les actitúes, creencies, mires y vitalidá de la llingua asturiana ente la población».
El trabayu, según recueye la iniciativa, va realizar de forma «inmediata» y va sirvir pa detectar les posibilidaes» y les reticencies esistentes nesta materia. Asina, en concluyendo l’estudiu y realizar un analís del mesmu, Podemos plantega la ellaboración «con calter urxente» del II Plan la Normalización Social del Asturianu. El primeru foi lleváu a cabu ente los años 2005-2007.
Na PNL de Podemos sobre adopción de midíes pa la protección, caltenimientu, espardimientu y normalización del bable asturianu, consultada per Europa Press, el grupu parlamentariu solicita al Gobiernu asturianu que presente na Cámara un proyectu de reglamentu pa desenvolver y faer cumplir la llei d’usu y promoción del bable asturianu.
«Ye necesariu y urxente consolidar y ampliar los mecanismos de protección, caltenimientu y normalización, frenando’l procesu de deterioru del patrimoniu llingüísticu asturianu y garantizando la igualdá de derechos en materia llingüístico pa los falantes d’asturianu y gallego-asturianu, dando respuesta a una demanda d’una parte cada vez más importante de la sociedá asturiana», señala la iniciativa, na so esposición de motivos.
ESTEFANÍA TORRES
Mientres esta iniciativa sigue’l so cursu na JGPA, dende Podemos unviaron esti xueves una nota de prensa relativa a la participación de la eurodiputada asturiana nel intergrupo de Llingües Minoritaries del Parlamentu Européu.
Según Podemos, Torres faló de «los 350.000 falantes d’asturianu» qu’hai nel Principáu d’Asturies y que a día de güei ven «discriminaos» los sos derechos fundamentales al nun tar reconocida la llingua como oficial nin cooficial.
Amás, la eurodiputada señaló la importancia de poner en práctica la Llei d’Usu y Promoción del Asturianu qu’inda non se cumple na so totalidá y apuntó al fechu históricu que supunxera qu’el so compañeru diputáu na Xunta Xeneral del Principáu d’Asturies, Andrés Fernández Vinalanova, usara la ‘fala’ unes selmanes antes nel Parlamentu asturianu.
Los intergrupos del Parlamentu Européu nun son órganos oficiales nin representen la opinión oficial de la Eurocámara, pero en redol a ellos axunten eurodiputaos de distintos grupos políticos pa encetar temes que van dende los derechos humanos hasta cuestiones económiques y sociales.
