La escritora Cristina Muñiz va protagonizar esti llunes el próximu alcuentru colos neños entamáu del ‘Veranu Lliterariu’ que promueve el Conceyu de Corvera’l próximu llunes. L’actividá va desenvolver na biblioteca de Les Vegues a partir de les 11.30 hores.
Nuna nota de prensa, el Consistoriu corveranu señala a Muñiz como «una de les voces más sólides de la lliteratura asturiana», y una «reconocida escritora de cuentos pa mozos y pa neños». La so participación esti llunes nel ‘Veranu Lliterariu’ supon, pa la corporación local, «un luxu», polo que dende’l Conceyu llamaron a la participación de los menores.
‘Veranu Lliterariu’ ye una actividá de promoción y animación a la llectura de lliteratura infantil n’asturianu, entamada pol Conceyu de Corvera al traviés de la Casa de la Llingua-Serviciu de Normalización Llingüística de Corvera, que vien desenvolviéndose dende xunetu y que va siguir realizándose n’agostu, siempres na Biblioteca de Les Vegues.
