El candidatu d’IX a la Presidencia d’Asturies, Gaspar Llamazares, reivindicó esti domingu en Pravia los valores republicanos y les sos virtúes cíviques, frente al capitalismu de amiguetes, los oligopolios y oligarquía franquista, y la corrupción, qu’han lastrado la vida democrática d’esti país y siguen presentes nella al traviés d’un casu paradigmáticu, el de Rodrigo Rato».
El candidatu d’IX incidió nel papel de la memoria «nun país que tien más amnesia que memoria institucional y tamién el de la xusticia y l’arreglu».
A xuiciu de Llamazares ye importante «recordar, remembrar persones ya idees represaliaes y reivindicar la so llucha, la llucha pola xusticia, la igualdá y la virtú cívica cívicos, que güei nun tán bien de moda colos casos de corrupción».
Nesti sentíu fixo fincapié’l tamién diputáu d’IX nel Congresu en que «la virtú cívica republicana ye honestidá, trabayar pol bien xeneral, responsabilizase y participar na vida política».
A entrugues de los periodistes sobre los nuevos partíos políticos, el candidatu d’IX esplicó que se trata d’una suerte de ‘Operación Gato Pardo’, pa dar la sensación de que camude prácticamente tou por que nun camude en realidá nada.
«De los votantes y d’Izquierda Xunida depende qu’haya un cambéu d’esquierdes n’España, Asturies y los conceyos, escontra’l rescate social, la reindustrialización y la rexeneración democrática», argumentó, añediendo que «lo qu’importa ye camudar la política y que ésta sía honesta».
Pela so parte, David Fernández, candidatu d’IX a l’alcaldía de Pravia, esplicó que se presenta «nun momentu optimista». Al so xuiciu la candidatura que lidera ye «un proyectu bien distintu a lo esistente, que pretende romper col turnismo políticu de Pravia, apostando por ser una pieza clave nel futuru conceyu».
