El Gobiernu del Principáu abrió’l plazu de matrícula nos xardinos d’infancia dependientes de la Conseyería de Bienestar Social pal cursu 2015/2016, que va rematar el próximu 1 de xunu. Van Poder formalizar la inscripción toos aquellos menores qu’el 31 d’avientu de 2015 nun cumplieren tres año.
La Conseyería de Bienestar Social cuenta con dos xardinos d’infancia en Xixón, unu n’Avilés y otru n’Uviéu, onde s’ufierta una atención global ya individualizada a los menores. Amás de cubrir los aspeutos educativos, estos centros trabayen coles families aspeutos como l’alimentación y l’hixene de los neños y cuestiones de tipu emocional o afeutivu.
Les families van poder escoyer ente xornada completa, con un máximu de permanencia d’ocho hores, o media xornada, con una llende de cuatro. En dambos casos inclúyese la comida, l’almuerzu pa los qu’apuerten antes de los ocho de la mañana y la merienda pa los que permanezan pela tarde.
Los precios d’estos centros bazcuyen ente 230,44 euros pa la xornada completa y 138,26 pa la media xornada. L’Executivu del Principáu aplica una serie de bonificaciones sobre los precios públicos en función de la renta, pa families numberoses y pa aquélles que tengan más d’un fíu matriculáu nel centru.
Tanto la información según la reserva de plaza pueden realizase al traviés de la web www.asturias.es, nos mesmos centros o per teléfonu.
Allugamientu y teléfonos de los cuatro xardinos d’infancia dependientes de la Conseyería de Bienestar Social y Vivienda.
Jardín de Infancia Pumarín C/ Puerto de Somiedo, 17,Gijón 985399558
Jardín de Infancia Roces Avda. Aserradores s/n, Gijón 985387329
Jardín de Infancia La Carisa C/ Antidio Velasco, s/n, Oviedo 985284488
Jardín de Infancia Cantos Avda. De los Telares s/n, Avilés 985 56 06 14
