La Conseyería d’Economía y Empléu yá punxo en marcha les polítiques actives d’empléu de 2015, que van beneficiar a más de 40.000 persones. Con esta batería d’acciones, el Principáu pretende ameyorar les posibilidaes d’empléu tantu de les persones en paru como de les ocupaes.
Nel Programa d’Información y Orientación pal Empléu, el Serviciu Públicu d’Empléu del Principáu d’Asturies (Sepepa) reforzó los sos servicios pa citar y atender a 24.000 demandantes d’empléu col fin d’ufierta-yos servicios d’información y orientación de manera personal, lo mesmo que de acompañamientu na busca de trabayu.
El departamentu que dirixe Graciano Torre tamién tien en marcha los Programes de Formación pal Empléu. Estos cursos, destinaos a 14.000 persones desemplegaes y ocupaes, yá s’empecipiaron y van dise publicando de forma permanente na páxina d’Internet de Trabajastur (www.trabajastur.com).
Al respective de los planes locales d’empléu, una de les midíes executaes pol Gobiernu pa lluchar contra’l paru, los conceyos contrataron a 710 persones que trabayen dende’l 1 d’ochobre. La Conseyería d’Economía subvenciona a los conceyos con 13.860 euros per contratu. Nos contratos formalizaos les alministraciones locales dieron prioridá a los mayores de 45 años y a les muyeres víctimes de violencia de xéneru.
Mozos
La conseyería sigue impulsando les práctiques non llaborales dirixíes a mozu ensin titular. Esti mes d’avientu empezó la selección de los 450 mozos que van adquirir la so primer esperiencia llaboral nos conceyos.
El Programa Esperimental de Formación Dual, una iniciativa que’l Principáu punxo en marcha esti cursu pa llograr una cualificación profesional por aciu el llogru de trés certificaos de profesionalidá y un títulu de formación profesional inicial, cuenta yá cola participación de 49 moces. Éstos fueron contrataos como aprendices n’empreses industriales asturianes, actividá que compaxinen cola formación. Pa facilitar la contratación de mozos aprendices nel restu d’empreses y sectores mientres nel añu 2015, yá se publicar la convocatoria d’ayudes nel Boletín Oficial del Principáu d’Asturies (BOPA).
Amás, el Conseyu de Gobiernu aprobó va dos selmanes el Programa Nuevu Ocúpate, coles mires de que 400 menores de 25 años ensin estudios consigan una capacitación profesional básica de nivel I, qu’inclúi diverses especialidaes, ente elles les actividaes físicu y deportivu, les artes gráfiques, l’agricultura, la eletricidá, la obra civil, la hostelería… El procesu de selección de los participantes va empecipiar en mayu. Estos mozos van sumar a los 230 que tán trabayando y formándose nes Escueles Taller en marcha.
A lo último, resaltar que mientres tol añu tán abiertes les convocatories de formación con compromisu de contratación, según la suscripción de convenios pa la realización de práctiques non llaborales n’empreses.
