La Conseyería de Fomentu, Ordenación del Territoriu y Mediu Ambiente publica güei nel Boletín Oficial del Principáu d’Asturies la llicitación d’un contratu d’obres por importe de 5.565.751,555 euros p’anovar la conducción de suministru d’agua dende Paladeperre nel conceyu de Valdés. Les empreses comenenciudes pueden presentar les sos ufiertes hasta’l próximu 24 de xineru.
El plazu previstu pa la execución de los trabayos ye de 34 meses y envalórase que l’actuación va beneficiar directamente a unos 8.000 vecinos.
Les obres previstes, que van dexar ameyorar el suministru d’agua potable a la capital del conceyu y localidaes circundantes como Villar, van consistir en sustituyir l’actual tubería de trayida ente’l puntu actual de captación en Paladeperre y el depósitu asitiáu na localidá de Villar, na redoma de L.luarca. van instalase 11.007 metros de tubería de fundición, que va sustituyir a l’actual de fibrocemento.
El trazáu previstu pa l’actuación ye similar al actual, anque se modificó en delles partes col fin d’amenorgar les afecciones a la parte de ribera del ríu Negru, consideráu como llugar d’interés comuñal (LIC) nel ámbitu de la Rede Natura 2000.
