El Conseyu de Gobiernu aprobó’l decretu que regula y establez el currículu d’educación primaria nel Principáu. Dientro del marcu de la lexislación básica estatal, el Gobiernu del Principáu afai les enseñances de Primaria a les peculiaridaes de la comunidá autónoma. Asina, destaca la importancia de la educación en valores inherentes de primeres d’igualdá de tratu y non discriminación por cualesquier condición o circunstancia personal o social, la prevención de la violencia de xéneru, la conocencia del patrimoniu cultural asturianu, el llogru de los oxetivos europeos n’educación, la potenciación de la igualdá d’oportunidaes y la medría de la calidá educativa.
De la mesma, el Gobiernu aprobó’l Programa Rexonal d’Asturies de Formación Profesional pal cursu 2014-2015, que forma parte de los compromisos asumíos nel Alcuerdu pol Empléu y el Progresu d’Asturies 2013-2015 (AEPA), suscritu polos sindicatos, la patronal y l’Executivu.
