El conceyal de Tresportes, Gerardo Antuña y l’Inxenieru municipal, Ignacio Latierro axuntáronse esta mañana con responsables del Alministrador d’Infraestructures Ferroviaries
El conceyal de Tresportes, Gerardo Antuña y l’inxenieru municipal, Ignacio Latierro caltuvieron esta mañana una xunta cola subdireutora xeneral d’Anchu Métricu del Alministrador d’Infraestructures Ferroviaries (Adif) en decidiendo’l Consistoriu, al traviés de la conceyalía d’Urbanismu, abrir espediente a Adif pol mala traza del pasu esistente sobre les víes del tren que xune la pasarela de Sotu con Trubia. Al términu del alcuentru, el conceyal Antuña aseguró que Adif “comprometióse col Conceyu a empecipiar cola mayor celeridad posible los trámites pa contratar un arreglu a xeitu de la mentada pasarela, plantegáu, amás la posibilidá de dexar el so titularidá al Conceyu, una vegada que s’executen los trabayos”. Latierro puntualizó que “na actualidá Adif ta trabayando na meyora de les víes ente Trubia y Sotu y la finalización de los trabayos ye inminente”. Cola execución de les obres de la pasarela –alcuerdo al que se llegó güei- “la puesta en serviciu va afectar a la so totalidá”.
