La Xunta de Saneamientu dependiente de la Conseyería de Fomentu, Ordenación del Territoriu y Mediu Ambiente empecipió les obres de construcción d’un muriu de contención y de refuerzu na seguridá de la zona pola qu’escurre la tubería de saneamientu reparada na zona d’El Tranqueru, en Candás.
Los trabayos cunten con un presupuestu de 241.862, 80 euros y un plazu d’execución de dos meses.
L’actuación va consistir per un sitiu n’estenar y rozar 850 m2 de turries, retirar casi 40 m3 de materiales sueltos depositaos nes marxes de la sienda y asitiar 850 m2 de malla de triple torsión. Per otra parte, va construyise un muriu de contención de formigón armáu d’unos 40 metros de llargor. A lo último, va instalase barandiella en tramos deterioraos y va estendese pavimentu na zona afectada de la sienda.
