El Gobiernu va dedicar 377.984,46 euros, IVA incluyíu, a reparar los daños provocaos pola envernada nel dique de Marchica del puertu de Luarca, nel conceyu de Valdés.
L’actuación, con un plazu d’execución de tres meses, va dexar actuar sobre los resquiebros qu’apaecieron nel dique por cuenta de les envernaes del iviernu, reparar fundimientos na solera de la zona d’accesu al dique y reponer la valla de protección.
va realizase un cosíu a base de micropilotes fondiaos con una llosa de formigón armáu y va inyectase morteru nos resquiebros. Ta previstu executar 39 micropilotes con un llargor total de 1.170 metros ya inyectar más de 93.000 kilogramos. de cementu.
La Conseyería de Fomentu yá tien en contratación otra obra pal puertu de Luarca que, con un presupuestu de 299.935,85 euros y un plazu d’execución de cuatro meses, va dexar reparar los pantalanes estropiaos mientres la envernada y dragar la dársena y la canal d’entrada del puertu, según reforzar el muriu de sostenimientu del paséu.
