L’Executivu va destinar 1.039.000 euros a la convocatoria pública de subvenciones a l’alquisición de vivienda protexida autonómica y vivienda usada.
Con esta midida, el Gobiernu caltien un importante esfuerzu presupuestariu pa facilitar l’alquisición de viviendes protexíes, especialmente agora que les ayudes estatales fueron suprimíes. Per un sitiu, respuende a les necesidaes de quien realizaron la so compra cola mira de que podríen recibir ayudes estatales y agora comprueben que nun van poder percibiles, col consecuente perxuiciu económicu. Per otru llau, y cuidao que se trata de viviendes que tienen de destinase a casa habitual y permanente, esta convocatoria intenta favorecer la puesta a disposición de la ciudadanía de recursos anguaño ociosos como les viviendes vacíes, tantu les que formen parte del stock de viviendes nueves como les viviendes usaes.
A estes ayudes van poder optar aquelles persones qu’empecipiaren l’amortización del préstamu antes de la fecha de presentación de la solicitú y que dispongan d’unos ingresos inferiores a 3,5 vegaes l’Indicador Públicu de Renta d’Efectos Múltiples (IPREM). Les persones comenenciudes van tener de plazu hasta’l 15 de setiembre pa formalizar les sos solicitúes.
