El Conseyu de Gobiernu autorizó un conveniu ente la conseyería de Presidencia y la Federación Nacional d’Asociaciones de Muyeres Separaes y Divorciaes p’atender a muyeres que fueren víctimes de violencia de xéneru. Gracies a esti alcuerdu, les muyeres agospiaes nel Centru d’Atención, Recuperación y Reinserción pa Muyeres Maltrataes de Coslada (Madrid), según los menores d’edá que tengan al so cargu, van poder pasar parte del branu en dos pisos tutelaos en Xixón.
Esti conveniu roblar por primer vegada en 2010. Les estancies duren d’ocho a diez díes y suélense programar dende’l 15 de xunetu hasta la primer selmana de setiembre. Dende entós beneficiáronse 25 muyeres y 22 menores. Los pisos –que son puestos a disposición pola conseyería de Presidencia al traviés del Institutu Asturianu de la Muyer- tán asitiaos nel Centru d’Atención Integral a Muyeres de Xixón. Les solicitantes tienen de disponer d’orde de protección.
