El Boletín Oficial del Principáu d’Asturies (BOPA) publica güei la llicitación de les obres de rehabilitación del edificiu de los xulgaos de Mieres. El presupuestu de llicitación xube a 126.634 euros y el plazu d’execución del proyectu ye de dos meses.
Les obres inclúin la meyora de dos de los trés viviendes de la planta cimera, la renovación y impermeabilización de la cubierta del edificiu, la instalación de puertes cortafuego na zona del arquivu y l’allugamientu d’una alarma de quemes en caúna de les plantes.
La Conseyería de Facienda y Sector Públicu tamién preve sacar a llicitación nes próximes selmanes les obres de meyora del edificiu xudicial de Cangas.
