L’Institutu Asturianu de Prevención de Riesgos Llaborales (IAPRL), dependiente de la Conseyería d’Economía y Empléu, acaba de convocar una llínea de subvenciones empobinada a impulsar la realización d’actuaciones que promuevan la seguridá y salú llaboral.
Dientro de les acciones a realizar pol IAPRL, tien especial importancia la de sofitar y promover actividaes de promoción y divulgación de la cultura preventiva en el trabayadores y empreses asturianes, desenvolviendo actividaes formatives y divulgatives de la cultura de la prevención llaboral, cola cuenta de que la sociedá polo xeneral identifique los riesgos del mundu llaboral.
El IAPRL destina estes ayudes a la organización de congresos, seminarios, xornaes técniques, cursos y actos de calter divulgativu en materia de prevención de riesgos llaborales, según a la edición y publicación de material divulgativo con conteníu preventivo. L’Institutu va subvencionar los gastos derivaos de la organización o los trabayos d’edición y publicación.
Van Poder solicitar estes subvenciones les entidaes de derechu públicu o priváu que tean legalmente constituyíes y qu’escarezan de fines d’arriquecimientu, con esceición de les alministraciones públiques, que cumplan colos requisitos y les obligaciones establecíes nes bases reguladores que rixen estes ayudes y demás normativa reguladora de les subvenciones. La cuantía de l’ayuda va ser del 75 % del presupuestu subvencionable, con un importe máximu, sía que non, de 5.000 euros, ensin qu’en nengún casu sía subvencionable el IVA
El plazu de presentación de les solicitúes remata’l 26 de xunetu.
Les actuaciones subvencionables tendrán de llevase a cabu ente’l 1 de xineru de 2014 y el 30 de payares de 2014. La xustificación de l’actividá por aciu la presentación de la documentación acreditativa de los gastos subvencionaos tendrá de realizase antes del 30 de payares de 2014.
El IAPRL enmarca estes ayudes dientro de les actuaciones destinaes a la busca del amenorgamientu de la siniestralidá llaboral y a la meyora continua de les condiciones de seguridá y salú nel trabayu.
