El Conseyu de Gobiernu alcordó subvencionar con 50.000 euros el proyectu Asturies compromisu solidariu, qu’impulsa la Federación Asturiana de Conceyos (FACC) pa desenvolver actividaes de sensibilización en materia de cooperación al desenvolvimientu en conceyos asturianos. Estes acciones pretenden sensibilizar a la sociedá asturiana sobre la situación de los países en desenvolvimientu y potenciar la solidaridá como valor permanente.
La FACC, qu’aspira a ameyorar la visibilidá de la cooperación al desenvolvimientu en tol territoriu asturianu, va encargar de la execución y xestión de les actividaes
El Principáu decidió conceder per segundu añu consecutivu una subvención a la federación pa desenvolver estes acciones de sensibilización, daos les bones resultancies llograes en 2013, periodu nel que s’executaron más de 50 acciones nes que participaron más de 6.000 persones.
La collaboración cola FACC dexó impulsar más actividaes de sensibilización que n’años anteriores, cuando esti trabayu realizábase al traviés de convocatories públiques añales a entidaes locales. Como exemplu, cabo destacar qu’en 2012 executáronse 15 acciones y en 2011, 21. D’esta miente, non yá llogróse doblar el númberu d’iniciatives, sinón tamién amontar la so variedá y calidá, al apostar per una llínea homoxénea d’actuación, y potenciar la coordinación ente les entidaes locales y les distintes ONGD asturianes.