El Boletín Oficial del Principáu d’Asturies (BOPA) publica güei la convocatoria pública d’ayudes pa la rehabilitación d’edificios. El Principáu va destinar pa esti fin 3.450.000 euros de los sos presupuestos hasta 2016. Les subvenciones pretenden cubrir parcialmente actuaciones de caltenimientu, meyora de la calidá y sostenibilidá, según axustes razonables en materia d’accesibilidá.
Tratar d’una convocatoria abierta de la que van poder beneficiase los propietarios, les comunidaes y les agrupaciones de comunidaes de propietarios d’edificios. El plazu pa presentar solicitúes va rematar el 30 de setiembre.
El Gobiernu asturianu impulsa esta convocatoria namá con financiamientu autonómicu, una y bones el Ministeriu de Fomentu inda nun unvió’l conveniu pa cofinanciar les ayudes establecíes nel Plan Estatal de Fomentu del Arriendu de Viviendes, la Rehabilitación Edificatoria y la Rexeneración y Renovación Urbanes 2013-2016. L’Executivu central tampoco publicó la orde ministerial que va faer efectives estes ayudes. Por esta razón, cuando’l ministeriu active el so subvenciones ampliaráse l’actual convocatoria col financiamientu estatal.