(Reuters) Líderes mundiales van reunise’l vienres pa conmemorar el septuaxésimu aniversariu del desembarcu de Normandía, conocíu como’l Día D, que cambió’l cursu de la Segunda Guerra Mundial, un alcuentru que l’anfitrión Francia espera que traiga distensión a Ucrania.
Va haber guirlandes, desfiles, paracaidistes y fueos d’artificiu n’homenaxe al mayor asaltu anfibiu de la historia, que’l 6 de xunu de 1944 punxo a 160.000 efectivos estaounidenses, británicos y canadienses nes mariñes franceses pa enfrentar a les fuerces de l’Alemaña Nazi.
Al presidente francés, Francois Hollande, van acompañar 17 líderes, ente ellos, el presidente d’Estaos Uníos, Barack Obama; el primer ministru británicu, David Cameron; Stephen Harper de Canadá, Angela Merkel d’Alemaña y el presidente rusu Vladimir Putin.
Y pese a la unidá de los aliaos y los sos sacrificios van ser el gran tema de la conmemoración del Día D, los líderes van parolar en priváu sobre’l principal retu de seguridá que tuvo Europa dende la Guerra Fría: Ucrania.
L’anexón de Crimea per parte de Rusia en marzu y l’enfrentamientu nel este d’Ucrania ente fuerces de Gobiernu y separatistes prorrusos llevaron les relaciones de Rusia cola Unión Europea y Estaos Uníos al so peor momentu en décades.
Diplomáticos franceses dixeron qu’Hollande espera que Putin polo menos estreche manes col presidente electu d’Ucrania, Petro Poroshenko, nos marxes de la ceremonia, lo que podría mostrar un primer pasu hacia una distensión.
Putin, que se mostró dispuestu a reunise tanto con Poroshenko como con Obama en Francia, tovía tien que reconocer la llexitimidá del líder ucranianu, quien ta previsto que xure como presidente’l sábadu.
