El Conseyu de Gobiernu autorizó una subvención de 38.000 euros a favor de la Federación Asturiana de Conceyos (FACC) pa sufragar los gastos derivaos de la organización y desenvolvimientu de les actividaes que se realicen pa consolidar la Rede Asturiana de Conceyos Saludables ya impulsar otres iniciatives de promoción de la salú.
La Rede de Conceyos Saludables surdió col propósitu de realizar actividaes de prevención, educación y promoción de la salú ya implicar a los conceyos nesta xera, apurriéndo-yos la información y recursos necesarios.
Ente otros beneficios, el conveniu que caltienen el Principáu y la FACC dexa trabayar conjuntamente col Observatoriu de Salú y los axentes de salú locales nel diseñu d’intervenciones, según incorporar a nivel municipal y supramunicipal los programes qu’impulsa la Dirección Xeneral de Salú Pública.
