El diputáu de IU Ovidio Zapico amosóse güei satisfechu del anunciu de la ellaboración d’un plan piloto” pa Llastres, una iniciativa que, según el diputáu, ye frutu de la movilización y reivindicación vecinal y respuende, recordó, a la proposición non de llei presentada pola so formación fai yá casi un añu, recoyendo los pidimientos de los residentes na villa. El parllamentariu xustificó esta iniciativa al entender que ye necesaria una intervención que regule l’arribación de visitantes y que dote de les infraestructures necesaries a la villa pa llograr, per un sitiu, calidá de vida pa los residentes, y por otru, pa faer de la visita a Llastres daqué curiosu pa los turistes”.
Tres esti compromisu, Zapico aseguró qu’el so grupu va tar bien pindiu por que, esclarió, “nun quede en meres palabres y qu’esista un compromisu real per parte del Gobiernu rexonal para, lo más llueu, esti plan sía una realidá”.
