La Xunta Pola Defensa de la Llingua Asturiana presenta esti xueves ‘La tele que queremos; televisión pública y reivindicación llingüística n’Asturies’, un llibru que recueye los documentos d’esta organización sobre la presencia de la llingua asturiana en Radiar Televisión del Principáu d’Asturies (RTPA).

L’actu va ser esti xueves 21 de xunetu en Zona 3 (cai Marqués de Casa Valdés 27, Xixón), a partir de les 17.30, y va incluyir un alderique sobre los medios de comunicación. Van Participar la editora y escritor Esther Prieto, los músicos Xosé Ambás y Antón Reixa (antiguu líder del grupu gallegu Nación Reixa), el realizador de cine Pablo Quiroga, y l’investigador Carlos Suari.

Esti llibru recueye los documentos ellaboraos nos últimos años pola Xunta Pola Defensa de la Llingua Asturiana (XDLA) sobre la presencia del asturianu nes emisiones de la RTPA. Documentos que van dende los años noventa, cola reivindicación pola puesta en marcha d’una televisión autonómica 100% n’asturianu, hasta l’actualidá, «cola nacencia de la RTPA y la necesidá, acaldía más evidente, de convertila nuna ferramienta al serviciu de la normalización del asturianu», esplica la Xunta nuna nota de prensa.