Connect with us

Noticies

Torre afirma qu’entama una nueva etapa de trabayu pa que la planta de Tenneco vuelva xenerar actividá económica

Publicado

el

fotonoticia_20140619144429_644(EUROPA PRESS) El conseyeru d’Economía y Empléu, Graciano Torre, valoró esti xueves l’acuerdu algamáu pol comité d’empresa y la dirección de Tenneco pa la reabertura de la factoría de Xixón y señaló que, d’equí p’alantre, “empieza una nueva etapa de trabayu intensivo pa que la planta se ponga en marcha, vuelva xenerar actividá económica y caltenga l’empléu acordáu”.

Torre asistió esti xueves a la firma del acuerdu algmáu cola mediación de la conseyería, que tuvo llugar na sede del Institutu de Desarrollu Económicu del Principáu d’Asturies (Idepa), en Llanera, organismu qu’acoyó mientres les últimes selmanes les xuntes negociadores ente ambes partes.

Graciano Torre manifestó’l so agradecimientu al vicepresidente de la Comisión Europea y responsable d’Industria, Antonio Tajani, que favoreció un alcuentru en Roma’l pasáu mes d’abril col presidente mundial de Tenneco, Gregg Sherrill y qu’acabó col acuerdu, per ambes partes, de caltener abierta la fábrica de Xixón, anque con menor tamañu y menos trabayadores. “Quiero espresa-yos el mio agradecimientu por preocupase pola situación de la compañía y favorecer esta negociación”, señaló’l titular d’Economía.

El conseyeru tamién agradeció’l llabor del xefe de gabinete del comisariu Tajani, l’asturianu Diego Canga, según del conseyeru delegáu de Tenneco Automotive, Hari Nair, “que tamién favorecieron qu’esta negociación se ponga en marcha y algamárase un final acordáu”.

Coles mesmes, Torre destacó la postura mientres la negociación de la empresa y de los sindicatos, “pa dir limando diferencies hasta presentar esti documentu que güei s’aprueba como acuerdu definitivu”.

A lo último, el conseyeru tamién agradeció’l llabor de mediación realizáu polos directores xenerales de Trabayu y Industria, Antonio González y Luis Ángel Colunga, respectivamente.

Torre sorrayó que la virtú de los acuerdos entama en qu’haya cesiones per dambes partes p’algamar un puntu mediu d’entendimientu.

L’asamblea de trabayadores de Tenneco aceptó’l pasáu martes el preacuerdo algamáu de primeres ente’l comité d’empresa y la dirección de la empresa. Esti acuerdu contempla la reabertura de la factoría de Xixón con 129 trabayadores de los 216 que formaben la plantiya.

Coles mesmes, inclúi un plan de prexubilaciones per mediu del que van agotase los contratos de trabayu de los trabayadores nacíos ente los años 1953 y 1959, dambos inclusive; recolocaciones voluntaries o baxes voluntaries con una indemnización de 45 díes de salariu por añu de serviciu, con una llenda de 42 mensualidaes.

Advertisement

LO MÁS VISTO !!