El Principáu autorizó una tresferencia de 1 millón a favor de la Sociedá de Promoción Esterior Principáu d’Asturies (Asturex) para financiar, anguaño, la so actividá de promoción de la internacionalización de les empreses al traviés de los siguientes programes: Fomentu de la Conocencia y del Interés Internacional de les Empreses Asturianes; Sofitu a la Introducción, Afitamientu y Diversificación de les Empreses Asturianes nos mercaos internacionales, y Programes d’Asesoramientu y Sofitu Técnicu a la Internacionalización.
Asturex foi creada en 2005 como sociedá instrumental del Institutu de Desenvolvimientu Económicu (Idepa) coles mires d’entamar actividaes de promoción ya internacional de les empreses asturianes. Ta participada nel 55% pol Idepa y el 45% restante pártese entre Fade, cámares de Comerciu y Liberbank.