(EUROPA PRESS) Los sindicatos con representación na firma Starglass, Soma-Fitag-UXT y Comisiones Obreres (CC OO), propunxeron un Espediente de Regulación d’Empléu (ERE) de seis meses ente la plantiya ante’l «inciertu» futuru de la planta. Starglass presentó concursu d’acreedores va siete meses y ta a la espera de que’l Xulgáu de lo mercantil de Logroño decida si la empresa ye vidable o, otra manera, ta condenada a la liquidación.
La empresa cuenta con una factoría nel polígonu de Sovilla (Mieres) y otra en La Rioja. La plantiya tuvo regulada mientres l’últimu añu, pero les centrales nun quieren roblar un nueve ERE de les mesmes característiques. «Nun tien sen regular a los trabayadores mientres un añu si Starglass va dexar d’existir», señalaron fontes de CC OO a Europa Press.
La negociación del ERE empezó esta selmana y va siguir el próximu miércoles. Les centrales van buscar «el meyor acuerdu posible» pa los trabayadores y pidieron que, amás de la dirección, tamién formen parte de la mesa de negociación los alministradores concursales. Starglass empezó a funcionar fai menos d’una década. Recibió una importante inyección d’ayudes de fondos mineros y, a cambiu, ofrecía la creación d’empléu estable p’ayudar a la reactivación de les Cuenques.