(EUROPA PRESS) Un total de setenta conductores dieron positivu na campaña d’alcoholemia realizada pola Guardia Civil de Tráficu n’Asturies dende’l 2 al 8 de xunu. Nesi periodu 18 conductores dieron positivu en drogues.
En total, según informó Tráficu, los axentes realizaron nesi periodu un total de 8.008 controles d’alcoholemia. De los 70 denunciaos por sobrepasar la tasa máxima, siete dieron positivu en cometiendo dalguna infracción y otros cinco en sufriendo un accidente.
Tráficu destaca amás que nos más de 8.000 controles realizaos namás se rexistró una sola negativa a sometese a diches pruebes.
Al respecto de los 18 postivos por conducir consumiendo drogues, trés d’ellos diéronse en pruebes realizaes en sufriendo un accidente. Nesti casu nun se produxeron negatives a sometese a diches pruebes.
El porcentaxe de conductores denunciaos por alcoholemia foi d’un 0.91%, inferior al rexistráu nes últimes campañes realizaes n’Asturies